Türkiyə milli komandasının və "Fənərbağça” klubunun futbolçusu Ozan Tufan qaçaq yolla bahalı avtomobil gətirilməsi çərçivəsində aparılan əməliyyat nəticəsində tutulub.
Sportnet.az-ın "Haberturk"ə istinadən məlumatına görə, İstanbul əyaləti Jandarm İdarəsi Türkiyəyə saxta sənəd və qaçaq yolla bahalı avtomobil daşıyan qrupa qarşı əməliyyat keçirir.
Şəhər prokurorluğu bu qanunsuz əməli törətməkdə şübhəli bilinən 46 nəfər barəsində həbs qətimkan seçilməsinə dair sanksiya verib. Tutulanlar arasında Ozan Tufan da var. Tanınmış futbolçu bu qruplaşmadan bahalı avtomobil alıb.
