İngiltərənin "Mançester Yunayted" və Hollandiyanın "Ayaks" komandaları arasındakı futbol üzrə Avropa Liqasının final matçı bir dəqiqəlik sükutla başlanacaq.
Sportnet.az-ın UEFA-nın rəsmi saytına istinadən məlumatına görə, bu qərar mayın 23-də Mançester şəhərində törədilmiş terror aktı qurbanlarının anımı məqsədilə çıxarılıb. Eyni zamanda oyunöncəsi açılış mərasiminin nəzərəçarpacaq dərəcədə qısaldılacağı bildirlir.
Stokholm polisi isə təhlükəsizlik tədbirlərinin gücləndirilməsinə ehtiyac olmadığını bildirib. Səbəb kimi hələ partlayışdən əvvəl hazırlıq keçdikləri iki ay ərzində ciddi təhlükəsizlik tədbirlərinin görülməsi göstərilib.
Qeyd edək ki, İsveç paytaxtındakı "Friends Arena"da təşkil olunacaq qarşılaşma Bakı vaxtı ilə saat 22:45-də başlanacaq.
