İngiltərənin "Çelsi" klubu baş məşqçi Antonio Konteyə yeni müqavilə təklif edəcək.
Sportnet.az-ın "The Guardian"a istinadən məlumatına görə, 2021-ci ilədək nəzərdə tutulan anlaşma çərçivəsində italiyalı mütəxəssis hər mövsüm 9,6 milyon funt sterlinq (11 milyon avro) qazanacaq. Yeni sövdələşmə mayın 27-də "Çelsi" və "Arsenal" arasında keçiriləcək İngiltərə Kubokunun final matçından sonra açıqlanacaq. Bununla da Konte klub tarixində ən ödənişli baş məşqçi olacaq və 2015-ci ildə bu komandada 7,5 milyon funt (8,6 milyon avro) qazanmış Joze Mourinyonu üstələyəcək.
Qeyd edək ki, "Çelsi" bu mövsüm İngiltərə çempionu olub.
