Rusiya "Amkar"ının qapıçısı Aleksandr Budakov komandanı azad agent kimi tərk edib. Sportnet.az-ın məlumatına görə, bu barədə klubun icraçı direktoru Denis Maslov açıqlama verib.
O bildirib ki, əsas qapıçı Dmitri Xomiçlə rəqabətə girə biləcək qolkiper tapmaq üçün bu addımı atıblar. Maslov yaxın vaxtlarda belə bir "çərçivə qoruyucusu"nun adını açıqlayacaqlarına ümid etdiyini vurğulayıb.
Qeyd edək ki, bir müddət əvvəl "Amkar"ın Azərbaycan millisinin qapıçısı Kamran Ağayevlə maraqlandığına dair xəbərlər yayılmışdı. Aleksandr Budakov ötən mövsüm heç bir oyunda meydana çıxmayıb.
