Azərbaycan milli komandasının futbolçusu Ramil Şeydayev Slovakiyanın "Jilina" klubunun heyətində Çempionlar Liqasında debüt edib. Sportnet.az-ın məlumatına görə, 21 yaşlı hücumçu Danimarka "Kopenhagen"i ilə II təsnifat mərhələsinin ilk görüşündə meydana çıxıb.
Görüşə ehtiyat oyunçular skamyasında başlayan Şeydayev 57-ci dəqiqədə İvan Santyaqo Diası əvəzləyib. Həmin vaxt "Jilina" 1:0 hesabı ilə öndə olsa da, tezliklə ağır zərbələr alıb. 61-ci dəqiqədə Miroslav Kaçer ikinci sarı vərəqənin ardından qovulub. 68 və 73-cü dəqiqələrdə isə Andriya Pavloviç "dubl" edərək, "Kopenhagen"i səfərdə önə çıxarıb.
