"İnter"in baş məşqçisi Zaur Svanadze Lükemburqda "Fola Eş"lə keçirəcəkləri Avropa Liqasının II təsnifat mərhələsinin cavab görüşü barədə fikirlərini bölüşüb.
Sportnet.az-ın məlumatına görə, gürcüstanlı mütəxəssis komandasını çətin oyunun gözlədiyini bildirib. O, layiqli nəticə uğrunda çalışacaqlarını söyləyib: "Uşaqlar ciddi hazırlaşırlar, zədəlimiz yoxdur. Azarkeşlərimizi sevindirməyə çalışacağıq".
Qeyd edək ki, oyundan əvvəl nə Zaur Svanadze, nə də "Fola Eş"in baş məşqçisi Jeff Ştrasserin iştirakı ilə mətbuat konfransı keçirilib. Bu səbəbdən, Svanadze fikirlərini "İnter"in mətbuat xidmətinə bildirib. İki komanda arasındakı ilk matçda Azərbaycan təmsilçisi qalib gəlib - 1:0. Cavab görüşü bu gün olacaq.
