PSJ klubunun yeni transferi Neymar Fransa çempionatının ilk turunda "Amyen"ə qarşı oynaya bilməyib. Sportnet.az-ın məlumatına görə, səbəb İspaniya "Barselona"sından lazımi transfer sənədlərinin Liqa 1-in ofisinə vaxtında gəlməməsidir.
Əvəzində dünyanın ən bahalı oyunçusunun qarşılaşmadan əvvəl "Park de Prens" stadionunda təqdimatı olub.
Qeyd edək ki, görüş PSJ-nin 2:0 hesablı qələbəsi ilə yekunlaşıb. Hesabı 42-ci dəqiqədə Edinson Kavani açıb. 80-ci dəqiqədə isə Xavyer Pastore yekun nəticəni müəyyənləşdirib.
