Bakının "İnter” klubu "İnter Arena”nı tərk etməyəcək.
Sportnet.az xəbər verir ki, bununla bağlı paytaxt təmsilçisinin rəsmi saytında məlumat yerləşdirilib.
Bildirilir ki, AFFA və "Aqrarkredit" SKT arasında aparılan danışıqlar nəticəsində "İnter”in əsas və uşaq futbol komandalarının 2017/2018 mövsümü ərzində "İnter Arena” stadionunda qalaraq fəaliyyət göstərəcəyi qərara alınıb.
"İnter”in əsas komandası növbəti mövsümdə ev oyunlarını "İnter Arena” stadionunun əsas meydançasında keçirəcəkdir. Uşaq-Gənclər Futbol Məktəbinin komandaları da "İnter Arena” stadionunda fəaliyyət göstərəcəkdir.
Qeyd edək ki, "İnter” klubu ilə "Aqrarkredit" arasında yaranmış problem səbəbi ilə paytaxt təmsilçisinin Mərdəkanda yerləşən "Dalğa Arena”ya köçəcəyi gözlənilirdi.
