Braziliyalı futbolçu Neymar Fransa PSJ-sinin heyətindəki debüt matçında qol vurub. Sportnet.az-ın məlumatına görə, bu, "Genqam"la Liqa 1-in II tur qarşılaşmasına təsadüf edib.
O, 82-ci dəqiqədə Edinson Kavaninin ötürməsindən sonra fərqlənib. Bundan 10 dəqiqə əvvəl isə Neymar Kavaniyə məhsuldar ötürmə verib. İlk qolu isə 52-ci dəqiqədə "Genqam"ın futbolçusu Jordan İkoko öz qapılarına vurub. Beləliklə, qarşılaşma PSJ-nin 3:0 hesablı qələbəsi ilə yekunlaşıb.
Qeyd edək ki, Neymar "Barselona"dan rekord məbləğə - 222 milyon avroya transfer olunub. O, ilk turu transfer vərəqinin gecikməsi üzündən buraxıb.
