Türkiyənin "Beşiktaş" klubu Bakıya gələcək. Sportnet.az xəbər verir ki, belə bir iddia ilə "Milliyet" qəzeti çıxış edib.
Xəbərdə bildirilir ki, səfər milli komandaların oyunları ilə əlaqədar veriləcək fasilə müddətində gerçəkləşəcək. "Qara qartallar" Azərbaycan komandalarından biri ilə yoldaşlıq görüşü keçirəcəklər. Qarşılaşma milli komandaların oyunları ilə əlaqədar veriləcək fasilə müddətində nəzərdə tutulub. Yığmaların matçları 1 - 6 sentyabrda olacaq.
Qeyd edək ki, xəbərdə "Beşiktaş"ın Azərbaycanın hansı komandası ilə qarşılaşacağı göstərilmir. Bir müddət əvvəl "Sabah" qəzeti sentyabrın 2-də və ya 3-də "Qəbələ"nin "Qalatasaray"la yoldaşlıq görüşü keçirəcəyini yazıb.
