İspaniya "Real Madrid"i Avropanın top-5 futbol çempionatları arasında ardıcıl 70 matçda qol vuran ilk komanda olub.
Sportnet.az-ın məlumatına görə, "kral klubu"nu rekorda yarımmüdafiəçi Marko Asensio qovuşdurub. O, "Valensiya" ilə La Liqa qarşılaşmasının 10-cu dəqiqəsində fərqlənib. Görüş 2:2 hesablı heç-heçə ilə yekunlaşıb.
Qeyd edək ki, "Real Madrid" sonuncu dəfə 26 aprel 2016-cı ildə İngiltərənin "Mançester Siti" komandası ilə Çempionlar Liqasının yarımfinal oyununda meydanı qolsuz tərk edib. Həmin görüş qolsuz yekunlaşıb.
