Ukrayna yığmasının və Kiyev "Dinamo”sunun futbolçusu Andrey Yarmolenko Almaniyanın "Borussiya” (Dortmund) klubuna transfer olunub.
Sportnet.az Dortmund təmsilçisinin rəsmi saytına istinadən xəbər verir ki, 27 yaşlı yarımmüdafiəçi 30 iyun 2021-ci ilə qədər nəzərdə tutulan sözləşməyə imza atıb.
Transfer məbləği barədə məlumat verilməsə də, xarici KİV-də keçidin 25 milyon avroya başa gəldiyi bildirilir.
Qeyd edək ki, yığmanın heyətində 69 oyun keçirib, 29 qol vuran Andrey Yarmolenko üçqat Ukrayna çempionudur. O, 2006-2017-ci illərdə "Dinamo”nun əsas komandasında 228 oyun çıxıb və 99 qol vurub.
