Qətərin "Əl Sədd" klubunda çıxış edən ispaniyalı ulduz Xavi Ernandes banklardan birinin lotereya çəkilişindən böyük məbləğdə pul udub.
Sportnet.az xarici mətbuata istinadən xəbər verir ki, Xavi paytaxt Doha şəhərində bir bank tərəfindən təşkil edilən lotereya çəkilişindən 1 milyon Qətər rialı (225 min avro) dəyərində mükafat qazanıb. Bankın sosial media hesablarından paylaşılan məlumatlara görə, ildə bir dəfə keçirilən kampaniyanın uduşu məşhur futbolçunun bəxtinə düşüb.
Xatırladaq ki, ulduz futbolçu 2015-ci ildə 17 il formasını geyindiyi "Barselona"dan Qətərin "Əl Sədd" klubuna transfer edilib.
