"Neftçi"ni tərk edəcək futbolçuları adlarına yaxın günlərdə aydınlıq gələcək. Bu barədə Sportnet.az-a klubun vitse-prezidenti Tahir Süleymanov məlumat verib.
Onun sözlərinə görə, klubdaxili toplantıda kimlərlə yollarına davam edəcəkləri də müəyyənləşəcək. Süleymanov bildirib ki, müqaviləsi davam edən futbolçularla heç bir klubun birbaşa təmas qura bilməz. O, xüsusən, kapitan Rəşad Sadiqova digər klublardan gələn təkliflərə sərt reaksiya verib: "Sadiqovla heç bir komandanın danışıq aparmağa ixtiyarı yoxdur. Hər hansı futbolçumuzu kimsə istəyirsə, "Neftçi”yə müraciət etməlidir".
