UEFA Gənclər Liqasında mübarizə aparacaq "Qarabağ”ın U-19 komandasının baş məşqçi vəzifəsi ilə bağlı yanlışlıq aradan qaldırılıb.
Sportnet.az xəbər verir ki, bu, Ağdam klubunun UEFA-ya müraciəti əsasına baş verib. Qurumun rəsmi saytında baş məşqçi qismində Rəşad Sadıqovun əvəzinə Aftandil Hacıyevin adı göstərilsə də, artıq düzəliş olunub.
Ötən mövsüm Azərbaycan çempionu olan "Qarabağ”ın U-19 komandası qitə miqyaslı oyunlara R.Sadıqovun rəhbərliyi altında çıxacaq.
Qeyd edək ki, "Qarabağ” Gənclər Liqası üçün 40 futbolçu sifariş edib. Onların arasında Ağdam təmsilçisinin əsas komandasının baş məşqçisi Qurban Qurbanovun oğlu Musa Qurbanlı da var.
