Gürcüstanın "Zuqdidi" klubunun qapıçısı Şota Maminaşvili "VİT-Corciya" ilə ölkə çempionatı matçından əvvəl məşq zamanı həyatını itirib. Sportnet.az-ın məlumatına görə, 31 yaşlı qolkiper stadiondan aparıldığı xəstəxanada dünyasını dəyişib.
Msxeti şəhərində keçirilməli olan oyun faciəvi hadisə ilə əlaqədar təxirə salınıb.
Qeyd edək ki, Şota Maminaşvili karyerasının böyük hissəsini Batumi "Dinamo"sunda keçirib. O, "Zuqdidi"yə cari mövsümün əvvəllərində keçib.
