"İstədiyimiz olmadı. Xüsusən də ilk hissədə çox pis oynadıq". Sportnet.az-ın məlumatına görə, bunu "Bakı"nın baş məşqçisi İbrahim Uzunca Topaz Premyer Liqasının VI turunda "İnter”ə 0:7 hesablı məğlubiyyətlə başa çatan oyundan sonra deyib.
Türkiyəli mütəxəssis bildirib ki, yaxşı hazırlıq keçməyən futbolçularında motivasiya da aşağı səviyyədədir: "Hər qoldan sonra oyundan soyuduq. Mən bu gün futbolçularımı tanıya bilmədim. Biz bu məğlubiyyəti unudub, qarşıdakı oyunlara baxmalıyıq. "Bakı” tarixi ərzində bu hesabla uduzmamışdı. Buna görə üzr istəyirəm. Komandanı daha yaxşı yerlərə gətirmək üçün çalışacağıq”.
