"Neftçi”dən ayrılmağımın səbəbi haqda danışmaq istəmirəm”.
Bunu Sportnet.az saytına ötən ay bir illik müqavilə bağladığı "Neftçi”dən ayrılan Aqil Məmmədov deyib.
29 yaşlı qapıçı bildirib ki, artıq "Qəbələ”yə dönüb: "Klubu tərk etməyim əsas heyətdə oynayıb-oynamamağımla və ya maddi məsələlə ilə bağlı deyil. İndi bu barədə heç nə deyə bilməyəcəyəm. Artıq "Qəbələ”yə dönmüşəm”.
Qeyd edək ki, Məmmədov 2015-2016-cı illərdə "Neftçi”nin şərəfini qoruyub.
