"Keşlə” klubu daha iki futbolçunun transferini rəsmiləşdirib.
Sportnet.az xəbər verir ki, paytaxt təmsilçisi yamaykalı hücumçu Andre Klennon və qambiyalı yarımmüdafiəçi Ebrima Sohna ilə müqavilə imzalanıb.
Hər iki futbolçu cari mövsümün sonunadək "Keşlə”nin uğurları üçün çalışacaq.
Qeyd edək ki, "Keşlə” qış fasiləsində Məqsəd İsayev ("Neftçi"), Kamran Ağayev ("Mlada", Çexiya), Pablo Podio ("Fastav", Çexiya: icarəyə), Herve Tçami ("Hajer", Səudiyyə Ərəbistanı), Nemanya Stoyanoviç ("Qarabağ", Vyana, Avstriya) və Vaqif Cavadovu heyətinə qatıb.
