Azərbaycan milli komandasının sabiq üzvü Ufuk Budaqın çıxış etdiyi "Samsunspor" Türkiyə birinci liqasının 19-cü turunda doğma meydanda "Manisaspor"la üz-üzə gəlib.
Sportnet.az-ın məlumatına görə, qarşılaşma meydan sahiblərinin 2:0 hesablı qələbəsi ilə başa çatıb. Müqaviləni ləğv etdikdən sonra komandaya qayıdan Ufuk Budaq görüşün 90-cı dəqiqəsində meydana daxil olub.
Futbolçunun komandaya dönüşü azarkeşlərin ürəyincə olmayıb. Fanatlar Ufuk Budaq və Çağrı Ortakaya üçün xoşagəlməz pankart açıblar. Onların "UFUKta para gözüktü ÇAĞRI gəlsinlər" yazısı diqqət mərkəzinə düşüb. Azarkeşlər həmçinin hər iki futbolçunu fitə basıblar.
