"Sumqayıt"ın baş məşqçisi Samir Abasov "Neftçi" ilə Topaz Premyer Liqasının XVI tur matçında texniki zonadan qovulub. Sportnet.az-ın məlumatına görə, 40 yaşlı mütəxəssis 68-ci dəqiqədə baş hakim İnqilab Məmmədovun cəzası ilə üzləşib.
Epizodların birində "Neftçi"nin futbolçusunun sərt oynadığını görən Abasov önünə düşən topu əsəbindən güclü zərbə ilə meydana vurub. Daha sonra o, iradını referiyə sərt formada bildirib. Məmmədov isə onu meydandan kənarlaşdırıb.
Baş məşqçi bundan sonra hasardan kənara çıxaraq, öz komandasının texniki zonasına yaxın yerdən göstərişlərini verməyə başlayıb.
