AFFA İntizam Komitəsi "Energetik” klubunun futbolçusu Samir Əliyevi 10 oyunluq cəzalandırıb.
Sportnet.az milli assosiasiyanın rəsmi saytına istinadən xəbər verir ki, buna səbəb S.Əliyevin Regional Liqada "Şəmkir”lə matçın 78-ci dəqiqəsində aqresiv davranış, hakimə qarşı fiziki təsir göstərdiyinə görə birbaşa qırmızı vərəqə alaraq meydandan kənarlaşdırılmasıdır.
Oyunun 23-cü dəqiqəsində "Energetik”in digər futbolçusu Tural Məmmədzadə hakimi təhqir etdiyinə görə meydandan kənarlaşdırıldığı üçün 4 oyun cəzalanıb.
Həmçinin "Şağan” – "Tufan” matçının 90+4-cü dəqiqəsində qonaqların futbolçusu Elçin Əliyev hakimi təhqir etdiyinə görə meydandan kənarlaşdırıldığı üçün 4 oyun cəza alıb.
Gənclər Liqanın "Neftçi” İK İB – "Səbail” görüşünün 80-cı dəqiqəsində meydan sahiblərinin futbolçusu Samir Əliyev, futzal üzrə Azərbaycan birinciliyinin II dəstəsinin "Dalğa” – "İçərişəhər” qarşılaşmasının 25-ci dəqiqəsində meydan sahiblərinin futbolçusu Nicat Əliyev, "Avanqart” – "LSS” oyunun 45-ci dəqiqəsində isə meydan sahiblərinin futbolçusu Vahid Məmmədov hakimi təhqir etdiyinə görə meydandan kənarlaşdırıldığı üçün 4 oyun cəzalanıb.
