AZAL klubunun yeni mövsümlə bağlı hazırlıq planları müəyyənləşib. Bu barədə Sportnet.az-a klubun mətbuat katibi Eldəniz Yusifov məlumat verib.
Onun sözlərinə görə iyunun 16-da Bakıda bir araya gələcək komanda üzvləri tibbi müayinədən keçib, iyunun 19-da Türkiyənin Bolu şəhərinə yollanacaq. "Təyyarəçilər” təlim-məşq toplanışının birinci mərhələsi çərçivəsində iyunun 27-dək həmin şəhərdə olacaq.
Bundan əlavə paytaxt təmsilçisində təlim-məşq toplanışının II mərhələsi 30 iyundan 7 iyuladək, III mərhələ isə 10-22 iyul tarixləri aralığında keçiriləcək.
