"Biz maksimum dərəcədə yaxşı hazırlaşırıq. Son gün 4 gündür Antalyadayıq. Komandaya məşq üçün yaxşı şərait yaradılıb.
Sportnet.az-ın məlumatına görə, bu Makedoniya milli komandasının və İtaliyanın "Palermo" klubunun futbolçusu İlya Nestorovski söyləyib.
Hüçumçu Türkiyənin Antalya şəhərində təlim-məşq toplanışında olan Makedoniya yığmasının məşqlərə ciddi şəkildə hazırlaşdığını və komandanın qarşıdakı oyunlarda qələbə qazanacağına inandığını deyib:
"Finlandiya yaxşı rəqibdir. Bu komandaya qarşı ciddi hazırlaşırıq. Onları analiz etmişik. Yaxşı və zəif tərəflərini bilirik. Hesab edirəm ki, biz qələbə ilə əla atmosferi daha da yaxşılaşdıracağıq. Bu, Azərbaycanla oyunöncəsi əla motovasiya olacaq."
Qeyd edək ki, Makedoniya millisi Finlandiya ilə bu gün "Qloriya Arena"sında üz-üzə gələcək. Komanda Martın 27-də isə Azərbaycan millisi ilə "Mardan" stadionunda qarşılaşacaq.
