Topaz Premyer Liqasının VIII turu çərçivəsində "Bakı”nı qəbul edəcək "Xəzər Lənkəran” hazırlıqlara start verib. Sportnet.az-ın klubun rəsmi saytına istinadən məlumatına görə, komanda dünən Lənkəranda iki məşq edib.
Saat 11.00-da ehtiyat meydançada başlayan məşq fiziki çalışmalarla bir saat sürüb. Komandanın saat 17.00-dan etibarən əsas meydançada keçdiyi məşq isə bütövlüklə taktiki hazırlıqdan ibarət olub və 1,5 saat davam edib.
Bir müddət əvvəl ayağından zədələnmiş gənc qapıçı Orxan Sadıqlı komanda ilə birgə, Əfran İsmayılov və Alfred Sanko isə fərdi qaydada məşq ediblər.
