"Qəbələ"nin sabiq baş məşqçisi Yuri Syomin Moskva "Lokomotiv"ini 14 ildən sonra Rusiya çempionluğuna qovuşdurub.
Sportnet.az-ın məlumatına görə, "dəmiryolçular" sona 1 tur qalmış qızıl medalları təmin ediblər. Çempionluq XXIX turda "Zenit" üzərində 1:0 hesablı qələbə nəticəsində əldə olunub. Yeganə qolu Eder vurub.
Bu qələbə sayəsində xallarını 60-a çatdıran "Lokomotiv" ən yaxın izləyicisi "Spartak"ı 4 xal geridə qoyub. Bu, "Lokomotiv"in 2002 və 2004-cü illərdən sonra üçüncü çempionluğu olub. Hər 3 halda baş məşqçi Syomin olub.
Qeyd edək ki, Yuri Syomin "Qəbələ"də 2013-2014 mövsümündə çalışıb.
