AFFA İntizam Komitəsi "Səbail"in baş məşqçisinə ağır cəza verib.
Sportnet.az-ın məlumatına görə, bu barədə qərar komitənin bugünkü iclasında çıxarılıb.
Əliyev Topaz Premyer Liqasında XXVII turun "Neftçi” ilə səfər matçının 43-cü dəqiqəsində hakimlər briqadasını təhqir etdiyi üçün texniki zonadan kənarlaşdırılıb. İntizam Komitəsi onu 5 oyunluq cəzaya, klubunu 4000 manat cəriməyə məruz qoyub.
Gənc mütəxəssis mayın 20-də "Keşlə" ilə ev oyununu texniki zonadan kənarda izləyəcək. O, cəzasının qalan hissəsini isə gələn mövsüm çəkəcək.
