"Real Madrid" klubu İspaniya çempionatının XXXVIII turunda səfərdə "Vilyarreal" ilə heç-heçə edib.
Sportnet.az xəbər verir ki, "El-Madriqal" stadionunda keçirilmiş matç 2:2 hesablı heç-heçə ilə başa çatıb.
İlk yarıda Qaret Beyl və Kriştianu Ronaldu Madrid komandasına üstünlük qazandırıb, lakin ikinci hissədə ev sahibləri Roxer Martines və Samuel Kastilyexonun vurduğu qollarla hesabda bərabərlik yaradıblar.
Beləliklə, "Real Madrid" bu heç-heçədən sonra xallarını 76-a çatdırsa da, gümüş medal şansını tam itirib və çempionatı bürünc medalla başa vurub. Gümüş medala 78 xala malik "Atletiko" sahib olub. "Vilyarreal" isə çempionatı 61 xalla 5-ci başa vurub.
