Fransanın PSJ klubu İspaniya "Real Madrid"inin futbolçusu Kriştianu Ronaldunu transfer etməyə çalışır.
Sportnet.az-ın AS nəşrinə istinadən verdiyi məlumata görə, Paris təmsilçisinin rəhbərliyi komandanın hücum xəttində Neymar - Mbappe - Ronaldu üçlüyünü görmək istəyir. Bu məqsədlə paytaxt klubu portuqaliyalı hücumçuya illik 45 milyon avro maaş təklif etməyə hazırdır.
Lakin PSJ ehtiyat edir ki, Ronaldunu alsa, "Real Madrid"in Neymarı transfer etməsi asanlaşacaq. Digər tərəfdən, 33 yaşlı forvardın "kral klubu" ilə müqaviləsində 1 milyard avro dəbbə pulu göstərilib. Lakin PSJ 150 milyon avrodan çox ödəmək istəmir.
Qeyd edək ki, Kriştianu Ronaldu 2017-2018 mövsümündə İspaniya çempionatında 27 oyuna 26 qol vurub.
