"Neftçi" klubunun baş məşqçi postuna namizədlərin 3 ölkədən olduqları müəyyənləşib.
Sportnet.az-ın əldə etdiyi məlumata görə, bunlar iki italiyalı, eləcə də rumıniyalı və hollandiyalı mütəxəssislərdir. Rumıniyalının Marius Şumuditsa olduğu dəqiqdir. O, digər təklifləri də olduğundan, cavab vermək üçün vaxt istəyib.
İtaliyalı və hollandiyalı namizədlərin kimlikləri isə bilinmir. Lakin onların kifayət qədər tanınmış mütəxəssislər olduqları deyilir. İstənilən halda, yeni baş məşqçi flaqmana öz heyəti ilə gələcək.
Qeyd edək ki, "Neftçi" klubu baş məşqçi Tərlan Əhmədov və köməkçiləri ilə yollarını ayırıb.
