İngiltərənin "Liverpul" klubu 2 futbolçusu ilə yollarını ayırmağı qərara alıb.
Sportnet.az-ın klubun rəsmi saytına istinadən məlumatına görə, müdafiəçi Con Flenaqan və yarımmüdafiəçi Emre Canla başa çatan müqavilələr yenilənməyəcək.
Canın azad agent kimi İtaliya "Yuventus"una keçəcəyi bildirilir. 24 yaşlı oyunçunun Turin klubu rəhbərliyi ilə 4 illik müqaviləyə dair razılıq verdiyi deyilir. O, ötən mövsüm Premyer Liqada 26 matçda 3 qol və 4 məhsuldar ötürmə müəllifi olub. Almaniya yığmasının türk əsilli futbolçusu "Liverpul"a 2014-cü ildə "Bayer"dən keçib.
25 yaşlı Flanaqan isə elə Mersisayd klubunun yetirməsidir. O, əsas komandada 2011-ci ildə debüt edib. Ötən mövsümün ortalarında müdafiəçi icarə əsasında "Bolton"a keçib və 9 qarşılaşmada iştirak edib.
