İspaniyanın "Atletiko" və Fransanın "Monako" klubları futbolçu Toma Lemarın transferinə dair prinsipial razılıq əldə ediblər.
Sportnet.az-ın Madrid təmsilçisinin rəsmi saytına istinadən məlumatına görə, yaxın günlərdə hər iki klub bu keçidi gerçəkləşdirmək üzərində çalışacaqlar.
22 yaşlı yarımmüdafiəçinin "Monako" ilə hazırkı müqaviləsi 2020-ci ilin yayınadək nəzərdə tutulub. Daha əvvəl klub rəhbərliyi ona müqaviləni yeniləməyi təklif edib. Lakin tərəflər şərtlərdə razılığa gələ bilməyib.
Ötən mövsüm Lemar Liqa 1-də 30 matçda 2 qol və 8 məhsuldar ötürmə müəllifi olub. Hazırda yarımmüdafiəçi Fransa millisinin heyətində dünya çempionatı ilə əlaqədar Rusiyadadır.
