İtaliyanın "Çezena" klubunun futbolçusu Kərim Laribinin "Qarabağ"a transferi baş tutmaya bilər.
Sportnet.az-ın "Trivenetogoal news" nəşrinə istinadən məlumatına görə, tunisli cinah hücumçusu Azərbaycan təmsilçisinin təklifini qəbul etmək istəmir. Baxmayaraq ki, təklif hər cəhətdən, o cümlədən, maliyyə baxımından sərfəlidir.
27 yaşlı oyunçu ilə İtaliya "Kyevo"su maraqlansa da, müsbət cavab almayıb. Laribi agentinə daha yüksək səviyyəli komandalarda çıxış etmək istədiyini bildirib. Hərçənd, onun "Çezena" kimi B Seriyasında çıxış edən "Verona" və "Benevento"dan da təklifləri var.
