Bu ilin sonuna qədər "Neftçi" ilə müqaviləsi olan Mayk Kampas və Lukas Qomes əvəzedici heyətə göndərilib.
Sportnet.az-ın klubun rəsmi saytına istinadən məlumatına görə, növbəti mövsüm üçün baş məşqçi Roberto Bordinin əsas heyətdə düşünmədiyi futbolçularla hazırda danışıqlar davam edir. Bu müddətdə onlar əvəzedici komandada məşq edəcəklər.
Növbəti mövsüm əsas heyətdə düşünülməyən Fransisko Qarsia ilə də müzakirələr davam edir. Yaxın günlərdə bu haqda əlavə məlumat veriləcək.
Qeyd edək ki, hər 3 oyunçu "Neftçi"yə qışda cəlb olunub.
