Ukrayna çempionatındakı fasilədən yararlanan "Dnepr" klubu yoxlama matçı keçirib. Sportnet.az-ın məlumatına görə, rəqib I liqanın lideri "Aleksandriya" olub.
"Dnepr"in təlim-məşq bazasında baş tutan görüş meydan sahiblərinin qələbəsi ilə yekunlaşıb. Qolları 6-cı dəqiqədə Yevgeni Şaxov və 81-ci dəqiqədə Aleksandr Vasilyev vurub.
Baş məşqçi Miron Markeviç qarşılaşmada 16 futbolçunun xidmətindən yararlanıb. İkinci qolun müəllifi Vasilyev məhz oyuna sonradan daxil olub.
Qeyd edək ki, "Dnepr" "Qarabağ"ın Avropa Liqasının qrup mərhələsindəki rəqiblərindəndir. İki komanda arasında ilk görüş oktyabrın 23-də Ukraynanın paytaxtı Kiyevdə, təkrar qarşılaşma isə noyabrın 6-da Bakıda olacaq.
