Almaniya millisinin sabiq futbolçusu Məsut Özil İngiltərənin "Arsenal" klubunun kapitanlarından biri ola bilər.
Sportnet.az-ın məlumatına görə, bu barədə London təmsilçisinin baş məşqçisi Unay Emeri açıqlama verib. İspaniyalı mütəxəssis belə bir məsuliyyəti kimə həvalə etməyə hələ qərar vermədiklərini bildirib: "Biz bunun üzərində işləyirik. Məsut da kapitan ola bilər. Komandada 5 kapitan olacaq. Onların arasında Özil, Aaron Remzi və Petr Çex də var. Lakin bu, hələ yekun siyahı deyil. Yeni mövsümdə belə bir imkanı kimə verəcəyim üzərində düşünəcəyəm. Zədəsini bərpa etməyə başlayan və kulislərdə kapitan kimi qalan Loren Koselnını da unutmaq olmaz".
Qeyd edək ki, Məsut Özil 2018-ci il dünya çempionatından sonra Almaniya millisindəki karyerasını başa vurub.
