Topaz Premyer Liqasının 4-cü turu çərçivəsində sentyabrın 16-da "Bakcell Arena”da keçiriləcək "Neftçi” – "Keşlə” matçından öncə azarkeşlər üçün xüsusi fanzona yaradılacaq.
Sportnet.az xəbər verir ki, "Red Bull”un dəstəyi ilə təşkil olunacaq fanzonada fanatları müxtəlif əyləncələr gözləyir.
Zərbənizin dəqiqliyini "Real penalti”də yoxlaya, rənglərinizi göstərmək üçün "Face Art”dan istifadə edə biləcəksiz. Məhz sizin üçün "Masaüstü futbol” yarışı təşkil olunacaq. Bundan əlavə, Bakıda artıq kifayət qədər tanınan "Panna” yarışı sizi gözləyəcək. Fanzonada "Red Bull”un DJ-i öz performansını göstərəcək. Eyni zamanda, azarkeşlərimiz fanşopumuzdan istifadə edə biləcəklər.
Fanzonanın bütün təkliflərindən yararlanmaq üçün 21:00-da start götürəcək oyuna iki saat qalmış stadionda olmağınızı xahiş edirik.
