"Neftçi” klubun rəhbərliyi "Bakcell Arena"da azarkeşlərlə görüş keçirib. Sportnet.az-ın klubun rəsmi saytına istinadən məlumatına görə, görüşdə vitse-prezident Elnur Məmmədov tək iştirak edib.
"Neftçi"nin prezidenti Sadıq Sadıqovun salamlarını azarkeşlərə çatdıran yeni rəsmi komandanın hər bir uğurunda onların böyük pay sahibi olduqlarını bildirib. Qeyd olunub ki, xalq komandası olan "Neftçi” daim azarkeşlərinin dəstəyini hiss edib və bu dəstək zaman keçdikcə daha da güclənəcək.
Sonra E.Məmmədov deyib ki, klub və azarkeşlər arasında əlaqələr beynəlxalq təcrübəyə əsaslanaraq davam etdiriləcək, klub rəsmiləri ilə futbolsevərlər arasında mütəmadi görüşlər keçiriləcək.
