"Bura qələbə üçün gəlmişdik. Səfərdə bir xal da bizim üçün yaxşı nəticədir". Sportnet.az-ın məlumatına görə, bu sözləri "İnter" - "Simurq" qarşılaşmasından sonra Zaqatala klubunun üzvü Vüqar Mustafayev deyib.
20 yaşlı yarımmüdafiəçi komandasında çatışmazlıqların olduğunu da etiraf etdi: "Düzdür, bizdə bəzi axsaqlıqlar oldu. Elə oyun oldu ki, xal itirmək haqqımız yox idi, ancaq itirdik. Allahın izni ilə toparlanıb gələcək oyunlara qələbə üçün çıxacağıq. Komandada vəziyyət yaxşıdır. Bu oyuna da yaxşı hazırlaşmışdıq. Qismət beləymiş. Xırda səhvləri nəzərə almasaq, hakim oyunu normal idarə etdi".
Qeyd edək ki, 0:0 hesabı ilə yekunlaşan oyunda V.Mustafayev meydana start heyətində çıxmışdı.
