İngiltərənin "Vest Hem" komandasının baş məşqçisi Manuel Pelleqrini İtaliyanın "Roma” klubunun hücumçusu Edin Ceko ilə maraqlanmaları barədə yayılan xəbərlərə münasibət bildirib.
Sportnet.az-ın "Sky Sports”a istinadən verdiyi məlumata görə, Pelleqrini 32 yaşlı futbolçunu yaxşı tanıdığını, ancaq hələ onu almaq barədə fikirləşmədiklərini qeyd edib.
Xatırladaq ki, Edin Ceko 2013-2015-ci illərdə Pelleqrinin rəhbərliyi altında "Mançester Siti”də çıxış edib. Hazırda İtaliyada A seriyasında çıxış edən Ceko bu mövsüm 7 matçda iştirak edib, 2 qol vurub, 2 məhsuldar ötürmə edib.
"Vest Hem" isə hazırda İngiltərə Premyer Liqasında 7 xalla 15-ci yerdə qərarlaşıb.
