Avropa Liqasının qrup mərhələsinin V turunda Portuqaliya "Sportinq"i ilə keçirəcəyi oyun "Qarabağ"ın futbolçusu Rəşad Sadıqov üçün əlamətdar olub.
Sportnet.az xəbər verir ki, 36 yaşlı kapitan avrokuboklarda 100-cü oyununa çıxıb. Sadıqov bu göstəriciyə nail olan ilk azərbaycanlı futbolçu kimi tarixə düşüb. Bu münasibətlə UEFA-nın Klub Yarışlarının Təşkili Komitəsinin sədri Mixael Heselşverdt ona 100 nömrəli forma hədiyyə edib.
Qeyd edək ki, qitə miqyaslı turnirlərdə 15-ci mövsümünü keçirən mərkəz müdafiəçisi indiyə qədər 99 oyunda 8414 dəqiqə meydanda olub. Sadıqov bu görüşlərdə 7 qol vurub, 11 sarı və 1 qırmızı vərəqə alıb.
