İtaliyanın "Palermo" klubunun sahibi dəyişib.
Sportnet.az "Football Italia"ya istinadən verdiyi məlumata görə, Mauritsio Zamparini klubun səhmlərinin 100 faizini İngiltərənin paytaxtı Londonda fəaliyyət göstərən şirkətə satıb. Onlar arasında görüş gələn həftə olacaq.
Qeyd edək ki, Mauritsio Zamparini 2002-ci ildən "Palermo"nun sahibi idi. Hazırda klub B Seriyasında çıxış edir. 13 turdan sonra Siciliya təmsilçisi 26 xalla 1-ci pillədə qərarlaşıb. Zamparininin dövründə "Palermo" 2 dəfə (2003/2004, 2013/2014) B Seriyasının qalibi olub və İtaliya Kubokunun finalınadək (2010-2011) irəliləyib.
