"Qarabağ"ın Avropa Liqasının qrup mərhələsindəki rəqiblərindən olan "Sportinq" klubu Portuqaliya Premyer Liqasında növbəti qələbəsini qazanıb.
Sportnet.az-ın məlumatına görə, Lissabon təmsilçisi XI turda səfərdə "Riu Ave"ni məğlubiyyətə uğradıb - 3:1. Qalib komandadan qolları 8-ci dəqiqədə Brunu Fernandeş, 23-cü dəqiqədə Bas Dost, 72-ci dəqiqədə Jovane Kabral vurub. Meydan sahiblərindən isə 12-ci dəqiqədə Joao Şmidt fərqlənib.
Bu qələbə sayəsində "Sportinq" xallarını 25-ə çatdıraraq, 2-ci pillədəki mövqeyini qoruyub. 18 xala malik "Riu Ave" isə 6-cıdır.
Qeyd edək ki, "Sportinq" "Qarabağ"ı Lissabonda 2:0, Bakıda isə 6:1 hesabı ilə yenib.
