Fransa Liqasının XVI turunun "Sent-Etyen" - "Bordo" matçında bədbəxt hadisə baş verib.
Sportnet.az-ın məlumatına görə, meydan sahiblərinin müdafiəçisi Neven Subotiç epizodların birində ağır zədə alıb. Ona zərbəni hava mübarizəsi zamanı topu təhlükəli zonadan uzaqlaşdırmaq istəyən qapıçı Stefan Ruffye endirib. Nəticədə yerə düşən Subotiçin başından qan açılıb. Huşunu itirən serbiyalı müdafiəçi xəstəxanaya çatdırılıb.
Qeyd edək ki, görüş "Bordo"nun qələbəsi ilə yekunlaşıb - 3:2.
