"Sumqayıt” Futbol Akademiyasının məşqçi heyəti Türkiyənin İzmir şəhərinə yola düşüb.
Sportnet.az klubun rəsmi saytına istinadən xəbər verir ki, məşqçilər "Altınordu”nun futbol akademiyasında təcrübə keçəcəklər. Artıq iş başında olan mütəxəssislər İzmir klubunun təlim-məşq bazası ilə tanış olub, akademiyanın iş sistemi və hazırlıq planları ilə maraqlanıblar. Bu işdə onlara "Altınordu” futbol akademiyasının direktoru Sərdar Savaş yardımçı olub.
