Futbol üzrə Azərbaycan Kubokunda 1/4 final mərhələsinin daha bir cavab oyunu keçirilib.
Sportnet.az-ın məlumatına görə, Sumqayıtda şəhərin eyni adlı təmsilçisi "Neftçi"ni qəbul edib. "Kapital Bank Arena"da baş tutan görüşdə qonaqlar qələbə qazanıb - 1:0. "Ağ-qaralar"ın heyətində 43-cü dəqiqədə Namik Ələskərov fərqlənib. Lakin bu qələbə flaqmanın mərhələ adlaması üçün yetərli olmayıb. Əvəzində səfərdə keçirdiyi ilk oyunda 2 cavabsız qolla qalib gələn "Sumqayıt" yarımfinala vəsiqə qazanıb və "Zirə"yə rəqib olub.
Qeyd edək ki, yarımfinal mərhələsinin ilk oyunları 2019-cu il aprelin 23-də, cavab matçları isə mayın 1-də keçiriləcək.
------------
Futbol üzrə Azərbaycan Kubokunda ilk yarımfinalçı müəyyənləşib.
Sportnet.az-ın məlumatına görə, bu, "Zirə" komandasıdır. Samir Abasovun baş məşqçi olduğu komanda 1/4 finalda "Səbail"i mübarizədən kənarlaşdırıb. İlk görüşdə 1:0 hesablı qələbə qazanan "Zirə" bu gün "Bayıl Arena"da keçirilmiş cavab oyununda da qalib gəlib - 3:2.
Qarşılaşmada ilk qol 3-cü dəqiqəyə təsadüf edib. "Zirə"nin müdafiəçisi Adrian Skarlatake avtoqol müəllifi olub. Qəsəbə təmsilçisinin digər müdafiəçisi Adil Nağıyev 45+2 ci dəqiqədə tarazlığı bərpa edib. 63 -cü dəqiqədə isə Pərdis Fərcad-Azad "Zirə"ni önə keçirib. Bu qoldan 10 dəq sonra Adil Nağıyev özünün 2-ci, komandasının 3-cü qoluna imza atıb. 83-cü dəqiqədə "Səbail"in hücumçusu Ruslan Qurbanov fərqi azaltsa da, meydan sahiblərinin bundan artığına gücü çatmayıb.
"Zirə" yarımfinalda "Sumqayıt" - "Neftçi" cütünün qalibi ilə üz-üzə gələcək. "Kapital Bank Arena"dakı bu görüş saat 19:00-da başlanacaq. İlk matçda "Sumqayıt" səfərdə qələbə qazanıb - 2:0.
Qeyd edək ki, 1/4 final mərhələsinə dekabrın 20-də keçiriləcək "Sabah" - "Qəbələ" və "Keşlə" - "Qarabağ" matçları ilə yekun vurulacaq.
-----------------------
Bu gün futbol üzrə Azərbaycan Kubokunda 1/4 final mərhələsinin cavab oyunları start götürəcək.
Sportnet.az-ın məlumatına görə, ilk gündə iki yarımfinalçının adına aydınlıq gələcək. Əvvələcə "Zirə” "Səbail”i qəbul edəcək. Bu komandalar arasında ötən həftə "Dalğa Arena”da keçirilmiş görüş qəsəbə təmsilçisinin qələbəsi ilə yekunlaşıb. "Zirə”yə qalibiyyət gətirən yeganə qolu 45-ci dəqiqədə İlkin Muradov vurub.
Günün digər qarşılaşması Sumqayıtda olacaq. "Kapital Bank Arena”da şəhərin eyni adlı təmsilçisi "Neftçi” ilə üz-üzə gələcək. Ayxan Abbasovun rəhbərlik etdiyi kollektiv ilk oyunda Əli Babayev 28-ci dəqiqədə penaltidən, 45+4-cü dəqiqədə isə Şəhriyar Əliyevin künc zərbəsindən sonra başla vurduğu qollarla gözlənilməz qələbə qazanıb.
Qeyd edək ki, 1/4 finalın digər iki oyunu dekabrın 20-də keçiriləcək. "Sabah” "Qəbələ”ni, "Keşlə” isə "Qarabağ”ı qəbul edəcək.
Azərbaycan Kuboku
1/4 final, cavab oyunları
19 dekabr (çərşənbə)
16:00. "Səbail” – "Zirə” - 2:3
Qol: Adrian Skarlatake, 3 (avtoqol). Ruslan Qurbanov, 83 - Adil Nağıyev, 45+2; 73. Pərdis Fərcad Azad, 63
Hakimlər: Rəvan Həmzəzadə, Yaşar Abbasov, Knyaz Əmiraslanov, Rəşad Əhmədov
Hakim-inspektor: Şahin Cəfərov
AFFA nümayəndəsi: Seymur Səlimli
"Bayıl Arena”
İlk oyun – 0:1
19:00. "Sumqayıt” – "Neftçi” - 0:1
Qol: Namik Ələskərov, 43
Qırmızı vərəqə: Arif Daşdəmirov, 85 ("Sumqayıt", ikinci sarı)
Hakimlər: Orxan Məmmədov, Namiq Hüseynov, Cavanşir Yusifov, Nicat İsmayıllı
Hakim-inspektor: Kərim Ağayev
AFFA nümayəndəsi: Namiq Məstanov
"Kapital Bank Arena”
İlk oyun – 2:0.
