Topaz Premyer Liqasının 9-cu turu çərçivəsində bu gün "Araz Naxçıvan"ı qəbul edəcək "Simurq" oyuna heç də ideal heyətlə çıxa bilməyəcək. Sportnet.az-ın məlumatına görə, bu gün 2 futbolçu baş məşqçi Georgi Çixradzenin ixtiyarında olmayacaq.
Bu yaxınlarda cərrahiyyə əməliyyatı keçirən polşalı müdafiəçi Adam Banaş hələ bir müddət kollektivdən ayrı qalacaq. Onunla yanaşı, Murad Səttarlının da zədəsi davam edir. Klubdan aldığımız məlumata görə, həm Banaş, həm də Səttarlı daha bir neçə tur komandaya kömək edə bilməyəcək.
Qeyd edək ki, "Simurq" - "Araz Naxçıvan" oyunu bu gün saat 18:00-da başlayacaq.
