Türkiyə milli komandasının baş məşqçisi Mirça Luçesku Çindən təklif alıb.
Sportnet.az-ın məlumatına görə, bu barədə rumıniyalı mütəxəssisin özü "Digisport"a açıqlamasında bildirib. Luçesku deyib ki, Çindən ona milyonlar təklif olunmasına baxmayaraq, özü "ay-ulduzlular"ın sükanını tərk etmək istəməyib: "Yığma qarşısında öhdəliklərim var. İnanıram ki, biz yaxşı futbol oynaya biləcəyik".
Qeyd edək ki, Mirça Luçesku Türkiyə yığmasına 2017-ci ilin yayında baş məşqçi təyin olunub. O, sonradan daha bir il uzadıla bilməsi şərti ilə 2 illik müqaviləyə imza atıb.
