Türkiyənin Antalya bölgəsində təlim-məşq toplanışında olan “Sumqayıt” komandası bu gün iki yoxlama oyunu keçirib.
Sportnet.az-ın məlumatına görə, "gənclik şəhəri" təmsilçisi əvvəlcə Almaniya Regional Liqası təmsilçisi “Optik Rathenow”la qarşılaşıb. İlk yarını rəqib öndə başa vurub - 1:0. İkinci hissə isə əlverişsiz hava şəraiti ilə əlaqədar keçirilməyib.
Günün ikinci yarısında "Sumqayıt" Serbiya "Zemun"unu sınağa çəkib. Qarşılaşma "gənclik şəhəri" təmsilçisinin qələbəsi ilə yekunlaşıb. Ayxan Abbasovun baş məşqçi olduğu kollektivdən qolları Yusif Nəbiyevlə Ülvü İsgəndərov vurub.
Bununla da "Sumqayıt" Antalya toplanışını qələbə ilə başa vurub.
Yoxlama oyunları
12:00. "Sumqayıt" - “Optik Rathenow” (Almaniya) - 0:1 (ilk yarıdan sonra oyun dayandırılıb)
"Sumqayıt"ın start heyəti: 1. Mehdi Cənnətov, 4. Peyman Keşavarz, 6. Səbuhi Abdullazadə, 9. Ehtiram Şahverdiyev, 17. Nicat Qurbanov, 18. Süleyman Əhmədov, 44. Valeh Seyidov, 60. Elvin Məmmədov, 70. Ülvi İsgəndərov, 77. Murad Xaçayev, 90. Elvin Bədəlov
16:30. "Sumqayıt" - "Zemun" (Serbiya) - 2:1
Qollar: Yusif Nəbiyev, 24. Ülvü İsgəndərov, 63
Dəqiq yerinə yetirilməyən penalti: Əfran İsmayılov, 45 ("Sumqayıt")
"Sumqayıt": 12. Rəşad Əzizli, 2. Rail Məlikov, 3. Vurğun Hüseynov (k.), 5. Adil Nağıyev, 10. Aleksey İsayev, 21. Arif Daşdəmirov, 22. Əfran İsmayılov, 41. Peyman Babayi, 74. Yusif Nəbiyev, 97. Xəyal Nəcəfov, 99. Əli Babayev
Ehtiyat oyunçular: 1. Mehdi Cənnətov, 4. Peyman Keşavarz, 7. Cavid Tağıyev, 11. Atilla Yıldırım, 25. Baxşəli Baxşəliyev, 70. Ülvü İsgəndərov.
