"Real Madrid"in futbolçusu Qaret Beyl İspaniya La Liqasında "Atletiko"nu səfərdə 3:1 hesabı ilə yendikləri XXIII tur matçında qolunu qeyri-etik formada qeyd edib.
Sportnet.az xəbər verir ki, uelsli hücumçu komandasının üçüncü qolunu vurduqdan sonra belə hərəkətə yol verib. Beyl 74-cü dəqiqədə Luka Modriçin ötürməsini dəqiq zərbə ilə qapının uzaq küncünə göndərib. Futbolçu rəqib qapısına yol tapmasını, birmənalı olmayan əl hərəkəti ilə təsvir edib.
Bu, Beylin "Real" Madrid"in heyətində 100-cü qolu olub.
